المادح الشيخ/ عبدالله محمدعثمان الحبر

لســــــــاني نم وقول

للمادح/ الشيخ عبدالله محمد عثمان الحبر

يا لساني نم وقول
فوق الغر أهل العقول
وقف عني يا عزول
انا عشقي ما بيزول
وفي جسمي الناحل هزول
شوف دمعي النازل نزول
ما لي حبي غير زول
أصحب رباَ لن يزول
دخل الخلوة وطبلة
صابر ديمة علي البلاء
الثابت ما إتهبلة
روحو الغالية مسبلة
ترك الدنيا وأقبلا
من وتر ما قبلة
تابع لي نهج السلف
السادة الماهملة
الليهم قلبي قد آلت
اقسم بيهم حلف
مابعرف الغش والصلف
العباد المخبتين
أهل البل المتين
ديل الأرضوا لي المتين
نورهم يخفي الايتين
ليهم خلي علامتين
تقوي وايمانا متين
ماإتدمدم من عشاء
ما إتربع فوق العشاء
مابين إثنين وشي
ريح الحب له منعشا
للمحبوب صاحب الصلاة
مني ليه آلاف صلاة
عد المشكلة والصلة
والوقوف والموصلة
هاشم بيك اتوسل
واحضره يوم يغسل