منتدى مروي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
راكوبة المقيل لمحجوب عبدالله السيد I_icon_minitimeالسبت 03 مايو 2014, 9:45 pm من طرف ابوبكر الشمباتي

» هل كان حباً
راكوبة المقيل لمحجوب عبدالله السيد I_icon_minitimeالثلاثاء 22 أبريل 2014, 4:19 pm من طرف ابوبكر الشمباتي

» خاتم المني
راكوبة المقيل لمحجوب عبدالله السيد I_icon_minitimeالأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
راكوبة المقيل لمحجوب عبدالله السيد I_icon_minitimeالأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
راكوبة المقيل لمحجوب عبدالله السيد I_icon_minitimeالسبت 03 سبتمبر 2011, 9:15 am من طرف الامبراطور

» قوتنا في وحدتنا
راكوبة المقيل لمحجوب عبدالله السيد I_icon_minitimeالسبت 03 سبتمبر 2011, 9:14 am من طرف الامبراطور

» التفاؤل يصنع النجاح
راكوبة المقيل لمحجوب عبدالله السيد I_icon_minitimeالسبت 05 مارس 2011, 12:25 am من طرف ام محمد

» زوج مسوي فلم لزوجته....
راكوبة المقيل لمحجوب عبدالله السيد I_icon_minitimeالسبت 15 يناير 2011, 4:36 am من طرف ام محمد

» الانتحار هو الحل
راكوبة المقيل لمحجوب عبدالله السيد I_icon_minitimeالإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
راكوبة المقيل لمحجوب عبدالله السيد I_icon_minitimeالأربعاء 08 ديسمبر 2010, 2:54 am من طرف ام محمد

» الملك وزوجاته الـ4
راكوبة المقيل لمحجوب عبدالله السيد I_icon_minitimeالسبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
راكوبة المقيل لمحجوب عبدالله السيد I_icon_minitimeالجمعة 29 أكتوبر 2010, 6:33 pm من طرف الامبراطور

» درس في الادارة...
راكوبة المقيل لمحجوب عبدالله السيد I_icon_minitimeالجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

 

 راكوبة المقيل لمحجوب عبدالله السيد

اذهب الى الأسفل 
كاتب الموضوعرسالة
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:00 pm

بسم الله الرحمن الرحيم
حقيقة سعيد لإنضمامي لواحة مروي عبر منتداها
فاسمحوا ان انثر ما أكتبه بينكم بود ومحبة خالصة
وأبدأ من آخر قصيدة لي :
إنت في دمي في القلب في الروح
لو أقول أنساك وين منك أمشي أروح
مكتوب عليَّ هواك من الأزل في اللوح
قبلان أعيشو معاك باقي العمر مجروح
-^-^-^-
لاقيتني قبل ألقاك بين الدمع والنوح
كاتم هواي جواك ما قدرت بي تبوح
صنقعت شفت سماك وشي سمح مطروح
همت وغلبني أنساك كلمة وبقولا وضوح
-^-^-^-
عيونك ياها مأساتي وكتين تلاقيني بروح
بفتش فيها عن ذاتي وسر الهوى المفضوح
معاك سبت الدنيا ركبت سفينة نوح
ما طال انت معايا توهت درب النوح
-^-^-^-
يا واحة إحساسي ظللني حبك دوح
عيشني بين رمشيك سكني عمق البوح
خليني الأحب عينيك أحسك قلب مفتوح
نتلاقى والمحبة قصيد وزهر الأماني يفوح
9/2013
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:03 pm

سفر الحبيب
مالو ما رسل جواب ولا فكر فيني وسأل
يا الله عاجبو العذاب الفيه أنا مما رحل
****
زولي أنا الليه حاب ناظم إحساسي إلى جمل
قلبي في هواك يا داب دابو من آثامو إغتسل
إتوضا وصلى في المحراب قال حي على الأمل
يا راجي من الله الثواب في حبك أصدق للعمل
****
معقولة إنتو يا أحباب تخلوني في بحر الجدل
يخيم في وشي عتاب لي زولاً حبو من الأزل
إنتكن فيني زي تيراب سقيتو من غيماً نزل
رويتو حن وبلل الأعصاب ما خلا فيني محل
****
تتذكر أيام كنا قراب نعيش لي حبنا الأول
إتعاهدنا الطريق نمشيه ولي آخر مداه نصل
لا هدت عزيمتنا صعاب لا قلنا البعاد طول
لابد من تعود تاني ونعود تاني زي أول
****
سفرك دحين خليهو تعال راجع راجنك أهل
الغربة يا حبي سراب قلبي راجيك ولم يزل
لو يلوح وشيك رهاب تلقى دقاتو تسوي تل
وا فرحي الغتا سحاب في جوف المحبة هطل
****
28/9/2013
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:04 pm


الحــب مـــــا عــذاب لا دمــعـة لا نــــــوح لا ألـــم

تَانِي لَا بَكْتِبْ لِيكِ جَوَابْ لَا بَجُرْ فِي حُبِّكْ قَلَمْ

* * * * * *

أبَكِّيتِي يَا غَاليَـة العُيُونْ عَيَّشْتِينِي فِي عُمْقَ الوَهَمْ

سَاسَقْتَ فِي دَرْبِكْ ظُنُونْ سَايِقْ خُطَايَ عَلِيكْ قَدَمْ

يَا وَاقْدِي نِيرَانِكْ شُجُونْ أَدِينِي مِنِّـــــكْ فَدْ فَهَــمْ

حَصَّلْتَ مَرْحَـلَة الجُنُونْ وَاقِفْ عَلِى حَافَّــة عَدَمْ

* * * * * *

أَنَا قَلْبِي مِنْ كُتْرَ العَـذَابْ يَبْكِيكِي بَدَلْ الدَّمْـعَة دَمْ

كَلْمَاتُو فِيكْ كَانَتْ سَرَابْ يَا رِيتُو فَدْ بِيت مَا نَظَمْ

إنْتِي لَوْ شُفْتِي المُصَاب وعِيشةَ اللَّيَالِي بَلَا عَشَمْ

مَا كُنْتِي دُرْتِيلِي الخَرَاب رَسَّلْتِي مِنْ عِنْدِك سَهَمْ

* * * * * *

أنا لما هويت عيونك سويتن في الضمير معلم

قدس يا جميل كونك لكن يا خسارة إنت ظلم

ما قايل الفرح دونك وفي ريدك أضوق السم

لا لا ما بعيش مرهونك ولا داير معاك أتلم

* * * * * *

ما خايف وراك صعاب أو بعدك غناي يتيتم

فجر الفرح لو غاب وإتوسد كوني ليلك هم

بمشي على السراب قبلان باقي عمري أتألم

إلا ما بنرجع أحباب تاني تراني والله قسم

* * * * * *
مــــايو 2013
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:06 pm

يَا بِتْ مِنِّك ومِنِّي هَوَاك
يَا بِتْ مِنِّك ومِنِّي هَوَاك أنا بهواكي أكيـــد معروف
حِسِّي المَارِقْ مِنْ خَلَجَاتِي بَوَاقِي اللَّهْفَة ورَعْشَة خُوُف
كُلْ مَا أقُولْ قَرَّبْتَ خَلاص تِتْلقَانِي عَـوَارْضِـي ظُرُوف
قَدَرِي أحِبِّك وبرضي بحبِك فيك مصيري دا مَا مَعْرُوف
*****
فِيكِ كَتَبْت خَوَالْد أشْعَاري مَا خَلِّيــت وَرَاكِ حُـرُوف
حَكِيت للقَمَرْه سَهَرْ اللِّيل وكِيفِنْ فِيه بَكُونْ مَلْهُوف
ولمَّا يَطُول يمْتد ليــــــالي ويابا الطِّيـف حتى يطُوف
أعْصِر حُزْنِي فِيكِ أغَانِي لَهِيبْ نِيرَانَا جُــوَّه الجُوف
*****
كِيفْ مَا أحِبِّكْ عَاد قُولِيلِي وأنَا قِدَّامِــــكْ آه مَكْتُوف
زُولِي الجُــوَّايْ جَدْ حَيَّرنِي زارِعْ فيني الرِّيـدة جُرُوف
كلام الجِنْ الليكِ لَمْلَمْتُو حتَّى اللَّحْــنَ الفيكِ مَعْزُوف
أمام عِينيكِ يتْبَخَّرْ كُلُو وحالي البيَّ يصير مكْشُــوف
*****
*****
حُبِّي اللِّيكِ حَاجَه غَرِيبَة مَا بِتْحِدُّو ضُمَّــا سُقُوف
بِينْ المُمْكِنْ أو ما مُمْكِنْ عَاش مُتْمَكِّنْ فِينَا وَلُوف
بِينِي وبِينِكْ عُمْر بِحَالُو زَيْ رِيدَتْنَا قالوا ألُــوف
إلا وحاتك عُمْرَ الرِّيدة بعدك مَا بِتْدَلِّي قُطُــوف
*****
يونيـــو 2012
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:07 pm

تسافر كيف
إنت ما عَارف عمري ..... وراك سمـــايِمْ صِيف
بلاك لا بتجف دمعـات لا أفراحي تلقى القيــف
تسافر كيف ......
سنين قضيتا دون حبك ... ما لقت أفراحي ضُمَّا بريق
عايش بين العذاب والهم ... من ضيق وأروح لي ضيق
تتجارى الدموع متسابقي ... في خدودي ساوي طريق
وكل ما الصباح يشرق ... ألقى أحزاني زايدي نزيف
*****
بعد سافرت في عينيك ... دخل شانك دنية العشاق
نحت بين الضلوع إسمك ... وهطت هواك في الأعماق
بعد شقيت ظلام الليل مرقت شمس الصباح أشواق
بعد عوَّدت روحي عليك ... حرام ألقاك جُوَّه الطيف
*****
بعد غازلت ذات الروح ... بنيت جواي صروح آمال
بقيت ليك كتاب مفتوح ..... براك إنت عارف الحال
معاك بنسى الدنيا وروح ... وفي عينيك الفرح والفال
قولي بس أوادعك كيف ... وما كنت عمرك ضيف
*****
وراك جاني جيش الهم ... إستوطن دواخلي عديل
بقيت أنده ليك تعال ... درب الرجعة ماهو طويل
شنو الجبرك على الهجران ... خلاك تبدى رحيل
ولا انت متل النيل ... فجأة نلقاك فت القيف
*****
قلبي لساتو مستنيك ... وفي حبك عارفو ضعيف
بلاك ميعادي ما بيجي ... زي ذكرى على الرصيف
بلاك لا الفرح بيعود ... لا الحب بيبقى شريف
كلام مكتوب بالألوان ... لابس الخداع والزيف
9/2012
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:08 pm

الريدة ما بتدي شي

زولك كان فاتك مشي يا نفسي هوي ما تفتشي
دمعك المبهول قشقشي ما الريدة ما بتدي شي
***
أنسيه لا تهمك جروح باكر تطيبي تنعوشي
لساكي جواكي روح رغم أحزانك فرفشي
لو بكيتي وزدتي نوح كرفستي للأيام وشي
لا العليكي بيروح لا الفرح يغشاكي شي
***
حال الدنيا والأيام ما دايم غير الله شي
يوم الفرح أقسام تلقاك بالريد منتشي
ويوماً بلا الآلام أصلو ما تديك وشي
منك يا دنيا السلام والمتعلق بيك غشي
***
كتار القبلي إنقادو شنو الوداكي تهبشي
قيس وعنتر الرادو إتعذب ليهم حشي
بالريد والوداد نادو في صباحن والعشي
تراهم الليلة بادو شن حصادن أنبشي
***
في النهاية يا نفسي في البنات لا تدهشي
قدر ما تقدري أقسي توب جفاوتك فرشي
كان بكره كان هسي عيشي الليالي مطنشي
وأوعاكي من ترسي في ديار عبله تعششي
***
مـــارس 2013
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:08 pm

أحن منك أصلو مافي وغيرك إنت كلـــــــــــو جافي
إنت حبك فات حدودو عنو قالوا الناس خرافي
*****
يا هوايا وينك إنت ليْ زمن ضارب الفيافي
بالسفر فتَّر خطــاي من منافي ولي منافي
لا لقيتك جاي راجع لا لمحتـــك في طوافي
وين مشيت قطَّعت قلبي لامن أبكيت القوافي
*****
لسه شايلك في عيوني ضمه حبك ليه وافي
منتظر لحظة رجوعك بالدهشة أتلقاك حافي
أمد ليك باللهفة يدي أنسى إنك كنت جافي
لا هجير دنياي أحسو دمعة العين تبقى مافي
*****
إنت حبي العشت ليه إنت حضني الديمه دافي
ياما جنبك كنت هاني كان هواك ماليني عافي
بيك كل الدنيا فرحت حتى إزدانت ضفافي
يلا أرجع تاني ليها زي ما كنـت معاي صافي    
يوليو 2012


عدل سابقا من قبل محجوب عبدالله السيد في السبت 05 أكتوبر 2013, 5:12 pm عدل 1 مرات
الرجوع الى أعلى الصفحة اذهب الى الأسفل
محجوب عبدالله السيد
عضو جديد
عضو جديد



عدد الرسائل : 9
العمر : 43
الاقامة الحالية : الخرطوم بحري
وصفك : زول عادي
تاريخ التسجيل : 05/10/2013

راكوبة المقيل لمحجوب عبدالله السيد Empty
مُساهمةموضوع: رد: راكوبة المقيل لمحجوب عبدالله السيد   راكوبة المقيل لمحجوب عبدالله السيد I_icon_minitimeالسبت 05 أكتوبر 2013, 5:11 pm

لسه في روحي
قدر ما أقول نسيتــكِ لقيتكِ لسه في روحي
متكنة في قلب عاشق ينده ليــكِ ما تروحي
*****
كتير حاولت أنســـاكِ أفوت عينيـــــك لو مرَّة
أعود من تاني وألقـــاكِ عايشي معاي والذَّكـرى
خيالكِ لو يجيني أنا طيف أساهر راجي لي بكره
حقيقة هــواكِ بيحيِّر تقول مخلوق معـاي فطرة
*****
أفوتك كيف ولسَّـه هواكِ ساكن في غرف ذاتــي
معاكِ عرفت كيف الرَّيد بطلِّع منِّي أبيــــاتي
أهاجر خارج الأزمــــان رغم إحساسي آهـــاتي
أقول فارقت دنيـــاكِ تعود من تاني خطواتي
*****
وأنادي عليكِ راجع ليكِ مسافة السِّكة يا روحي
بفتِّش في عيونكِ ديك منو الغيرن يشفي جروحي
دحين تعــالي نتصــافى وليَّا كلَّ الكـــــلام بوحي
ووعدك ليَّــا نتعــافى ومنِّي تــــــاني ما تروحي
الرجوع الى أعلى الصفحة اذهب الى الأسفل
 
راكوبة المقيل لمحجوب عبدالله السيد
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: المنتديات العامة :: منتدى الشعر-
انتقل الى: