الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
السبت 03 مايو 2014, 9:45 pm من طرف ابوبكر الشمباتي

» هل كان حباً
الثلاثاء 22 أبريل 2014, 4:19 pm من طرف ابوبكر الشمباتي

» خاتم المني
الأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
السبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
السبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
الأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
السبت 03 سبتمبر 2011, 9:15 am من طرف الامبراطور

» قوتنا في وحدتنا
السبت 03 سبتمبر 2011, 9:14 am من طرف الامبراطور

» التفاؤل يصنع النجاح
السبت 05 مارس 2011, 12:25 am من طرف ام محمد

» زوج مسوي فلم لزوجته....
السبت 15 يناير 2011, 4:36 am من طرف ام محمد

» الانتحار هو الحل
الإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
الأربعاء 08 ديسمبر 2010, 2:54 am من طرف ام محمد

» الملك وزوجاته الـ4
السبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
الجمعة 29 أكتوبر 2010, 6:33 pm من طرف الامبراطور

» درس في الادارة...
الجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

شاطر | 
 

 الشاعر/ عبد الله محمد خير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
most
مشرف المنتدى
مشرف المنتدى
avatar

عدد الرسائل : 43
العمر : 45
الاقامة الحالية : السودان الأمان والدفء
وصفك : انا سودانى انا انا
تاريخ التسجيل : 08/07/2008

مُساهمةموضوع: الشاعر/ عبد الله محمد خير   الإثنين 28 يوليو 2008, 3:04 pm

يإخوانا انا احترم كتير جدا الشعراء الذين افتتحتم بهم المنتدى لكنى توقعت انا اجد على البداية الشاعر الفذ عبد الله محمد خير ذلك الرجل الذى يذكرنى بعبقرية الكاشف لعدم نيله حظه من التعليم ورغما عن ذلك كتب مالم يكتبه مالك فى الخمر صدح الكروان صديق احمد باروع كلماته العاطفية والحماسية والإجتماعية ليتكم تمدونا بكتاباته وحبذا ديوان شعره وما اروع تشبيهاته حين قال فى صبيه فى مقتبل العمر امامه وهو فى دكانه يضع بعض السلع على الميزان فوقع بصره على الفتاه فارتجل بقصيدة رائعة منها:

وقفت حدود معرفتى فوق حملاً صبى
لاعرفتو ريد ......لاعرفتو جن كايسولو قيد


واعتقد

امسك حبل الصبر خلى قلبك لا يبقى نى
اصلو ود ابوزيد من بلدنا كل يوم يرحل جنى

انا المسكين الظروف غرقت فى اظافرا وين غنالى لى شتل الجروف الخ

انظروا التشبيه والبلاغة لتشبيه الظروف بحيوان متوحش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: البت عفيفة   الثلاثاء 29 يوليو 2008, 10:15 pm




البت عفيفة




مشت خلتنا صيدتنا النحيفه ..مشت خلت عليباتا وبريشاتا ورفيفه
نست حش القشوش وضفير سعيفه ونست فرك الملاح والقرقريفه
بقت شافعة مدن فاهمه وظريفه اخر قندفه ومسكت وظيفه
ووظيفتا ما اتلقتلك يا الخليفه
هي ماله ومال بلدنا ومال نكيفه ومال اليبرى حركاته ويشوفه
ابوها وعمها وشيخنا الخليفه وعاملين كل واحد ابوحنيفه
حلاتا فوقه كان شفت الوقيفه..تنقسم خمس كيمان نضيفه
صديره ونصها راسه وكتيفه سماحه الساق تققلب برفيفه
برضوا يقولا لينا البت عفيفه تتصورعفيفه تمااام واكتر من عفيفه
لانها من فاتت بلدنا وقش جروفه لابتاكل ام رقيقه ولا الشريفه
لا القراصه لاالمفروكه لاالمره الرهيفه شان ما بتتهضم ليها بتعيفه
تاكل شنو مره سلاطه ومره بطاطه ممكن كوسه ممكن باسطه او بسبوسه
وعشان رجيمه ما بتاكل نص رغيفه تاكل شطه وكمان الشطه النضيفه
وماله الشطه يا اقليمي ما حاجات لطيفه وبتعرف ناس وناس اصحاب وظيفه
ولو من بدري عرفت ديل كان صبحت مظيفه
وكمان عصريه ما رجعيه حاشاها الاديبه لانو كلامه( سنــا يــا انت)
وما لسع بتدهن وبتسرح سبيبه لا دي اخر موضه ومنفوش زي حبيبه
ولاانها حره ما مسجونه في حوش او زريبه بعد لم قريشات في عليبه
من تمر الهبوب حبه وحبيبه بقت ماهيه يوم 30 تجيبه
طالعي ونازلي تقدل بي حقيبه قليمه وبدرته وطيبه وحبوبه ( حبوب منع الحمل)
وكل عجائب الدنيا العجيبه برضوا يقولوا لينا البت عفيفه
تتصور عفيفه تمااام واكتر من عفيفه
طلوعه وقفته الفي الباب ونزهاته الخفيفه ولو طلعت مع اصحابه او زملاء الوظيفه
حضاره وبس ولا اكتر ولا حاجات مخيفه


_________________


عدل سابقا من قبل الامبراطور في الثلاثاء 29 يوليو 2008, 10:21 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: حبل الصبر   الثلاثاء 29 يوليو 2008, 10:16 pm

حبل الصبر
غناء/ صديق أحمد






تلـب أمسـك حـبـل الصـبـر خـلـو قلـبـك لا يبـقـي نــي

أصلـو ود أب زيـد كـل يـوم مـن بلـدنـا يـرحـل جــدي

شــن بسويـلـك عــاد أنــا القبـلـك الحـرمـان مــر بــي

والضنـا الهسـا عليـك زاد مـن زمـان أنــا زايــد عـلـي

كـم حبيبـا شغـل الفـؤاد فـي العيـون كـان متـل الصبـي

حـل بـي (توفيـق) السـواد مافـي زول قـال كفـاره لـي

أرقــى يــا تـلـب ودعــت قـبـلـو كـــم قـمــره مـنــوره

وكم تحف نـادرات سافـرن وكـم فراشـه وكـم جوهـره

وكـم قلـوب متـلـك بالـفـراق الأنـيـن والـشـوق سـهـره

شوف عوض عبدون الحروف خل مـن باطنـه ظاهـره

يـا عـوض مدرسـة الشعـر بـي جــداره إيــاك نـاظـره

بي غناك حرف السيـن بقـت فـوق بنـات جيلـه مبطـره

سـابــك الـلــى بـلــد الجـلـيـد ودعـــك ودقّ مــغــادره

يـا قـلـب مـالـك انـجـرح ولـسـه لـيـه جـرحـك مـابـره

أمــا أنــا المسكـيـن الـطـروف غــرزت فــي أظـافـره

ويـن غنـاي لـي شتـل الـجـروف والجنـايـن وأزاهــره

أسألوا الدرويش عن صديق عمرو كم جمرات عاصره

خـلـو يحكيلـكـم عــن حـيـاه النجيـفـى الـهـو معـاصـره

الككـر يـا رحمـن زمـان ضـاع مــع العـشـاق شـاعـره

مانـفـع تغـريـدو الحـزيـن مــا نـفـع صـــدق مـشـاعـره

جنـنـو (البتوفـيـق) رحــل وهــام ورا الـقـام بالبـاخـره

خــلا دنيـاهـو فرنـدقـس مـــا عـــرف أولـــه وآخـــره

أرقـى يـا رحمـن فــي السـمـاح مـافـي بـلـداً بتجـاكـره

الله مديـهـا سمـاحـه صــاح مــن كـروهـا ولــى تـكـره

أصلـو ود أب زيـد معتـرف بـي جريمتـو ومـو نـاكـره

كـلـو جــور الـقـال سفـروهـا وقـطـع لـيـهـا تـذاكــره.

_________________


عدل سابقا من قبل الامبراطور في الثلاثاء 29 يوليو 2008, 10:23 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: وعد الحبيبة   الثلاثاء 29 يوليو 2008, 10:18 pm


وعد الحبيبة





عديله عليك مشاويرك عديله
عديله إن كان قصيرة إن كان طويله
***
عديله عليك محل ما تمشي تمشي
يا عديلة أبقيلو زي الغيمة رشي
أما انا الهاماني راحتك أول الشئ
ليك تأمرني وعلي أمرك بمشي
***
بس عليك توعدني ما طول بيك غيبه
وعد من انبل حبيب لي اجمل حبيبة
فيك شفت الدنيا قاصيها وقريبه
ومنك اتعلمت كيف لأقدر اجيبها
***
لا متين يا نومي فيك رؤياي تصدق
ولا متين يا شوق موالي قليبي تحرق
تاني جود باللقيا يا زمني المفرق
وتاني أجمل صباح في عمري أشرق
***
يا حلاة العشرة وكتين تبقي صح صح
ويا حلاة الريدة وكتين تصفي تفرح
ويا حلاة ليلاً معاك ما درنا يصبح
ويا حلاة صبحاً تكون أنت المصبح
في الربيع قالو الزهور تنضر تفتح
وياربيع في حضنو كم لفاني وارتح
صار يباب بستاني من غيرك مكرتح
غير سموم في ام شير وغير ام شير تكتح
***
حبك الخلاني لي زول ما بجافي
وحبك العلمني أنظم ليك قوافي
حبك أكبر مهر لي طهري وعفافي
آى بحبك واصلو حبك زيو مافي .
***

_________________


عدل سابقا من قبل الامبراطور في الثلاثاء 29 يوليو 2008, 10:25 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: كمان زعلان   الثلاثاء 29 يوليو 2008, 10:19 pm

كمان زعلان
غناء/ صديق أحمد




تعاتبـنـا !!! ومــا قـبـلان تكاتـبـنـا

مـا إنتـو البيـتـو الحـلـه يــا نــوره

ورحـتـلـو بـعـيــد بــــلا شــــوره

تراها الحله من يوم قمتو مهجوره

ومـا رضيانـه بعـدك إلا مجـبـوره

ومــــــــشـــــــــتـــــــــاقـــــــــه

عارفـه الدنيـا لمـان تقسـى فراقـه

حلـيـل الـحـلـه .. ويـــن أمـلاكــه

(ويـن حـوره)؟؟ ويـن شاديـهـا ؟؟

يـــــا شـاديــهــا مـــــا تـــــزوره

يـــــــــــــــــــا فــــــتــــــنـــــــه

يـا البعـد الله مـنـك كــان مخافتـنـا

أكــــان حـيـيــن .. ومــــا مـتــنــا

وكـان حـن الـقـدر والدنـيـا لمتـنـا

وتانـي الحلـه زي مـا كنـا ضمتنـا

بـنــحــلــف لـــيــــك بــزمــتــنــا

ســعــادتـــك كـــــــل مـهـمـتــنــا

وبــــــلاك قـــامـــت قـيـامـتــنــا.

_________________


عدل سابقا من قبل الامبراطور في الثلاثاء 29 يوليو 2008, 10:38 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: مالكن على .... وليه يا نهيدات الجدى   الثلاثاء 29 يوليو 2008, 10:31 pm


مالكن على .... وليه يا نهيدات الجدى





مالكن على .... وليه يا نهيدات الجدى....
واقفات بلا قببن فقيرن ديمه شالع فوقو ضى
ينشاف قريب ... وينشاف بعيد
سويتن العجب العجيب فى قلبى بهدلتنو لى,,
نوسرتن الجرح القديم الكان مسهد لى عينى
ومــــــن شفتكـــــــن ما شفتن الحاصل على,,,,,
ما شفتن القرن القبيل كت قايلو مااات
تاريهــــــــــو حـــــــــى
تاريهو زى ما كان زمااان,,
ينبض شباب وشجون وغى
يا برتكانااااات
يا برتكانات استون فوق عودن اللدن الطرى
مضمور محل متبور محل نجضان ونى
لين هنا ونديان هناك
وسط قوى
بس عندو سيد مرات عنيد
مرات هدى

ليه يا نهيدات الجدى......
واقفات
واقفات بلا قببن فقيرن ديمه شالع فوقو ضى
ينشاف قريب ... وينشاف بعيد
بتق فى احساس جديد...
ينتر شديد... لا عرفتو ريد... لا عرفتو جن دايرلو قيد
وقفت حدود معرفتى فوق حلما صبى
يرجف .....
يرجف يغازل النسمه كان هبهب هوى

مالك علي
آ بنى هوى مالك على
وانا عمرى ما اتحدث مع زولا اسمو مـىّ

بس قولى لي شن قارنى فيك لاك عارفى هوىّ
لاك عارفى هيى
لاك عارفى هىّ
وللشىء البعجبك ما بتعرفى تقولى سىّ
يا بت عليك زاد الشجون
وبوب مارلى
والحزن القديم....
اتمهلى لا تستهزى بىّ
عمك انا ...
وجدك كمان لكن مصيبتى على العلى ّ
بهوى الجمال وبهوى السبيب كلما هو طال
وبهوى الصدير كل ما حضن رمان وشال
وبهوى البنات كلما بقن شبه الغزال
وما فيش بلا الهوى بين ايدى
وانا من زمن بارى السراب...
سارح معاهو ودىّ ودىّ
كل ما اقول بى داك عمار
ادنالو القى هويد وصىّ

ليه يا نهيدات الجدى...
يالزى نواطير الترك فى العالى ما طلاها رىّ
يا الزيكن .... ما شفنا زي
طماع انا ..!! ومابرضى بى شيتن شوىّ
وما بيسعد المكتوبلو فى المحفوظ شقىّ

_________________


عدل سابقا من قبل الامبراطور في الثلاثاء 29 يوليو 2008, 10:39 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: اصحى   الثلاثاء 29 يوليو 2008, 10:33 pm

اصحى




اصحى وصحى المشاعر لبيهو نداء قليبك
ابني طريق من أزاهر يصل بينك وبين حبيبك
معاك تصفي الدنيا تحلى يطيبها يا طيبه طيبك
تعيش سطور السماحه وخيال الناس يحييبك
متل بالحب ماابتلاني الله بعدو الريد يصيبك
تباري خطاى تتبعيني ده انا الكليت فوق دريبك
شياطين شعرى سون فى وقبل ما يبقي جوابك لبيبك
اذا جفى مدادى قوافى فلا شك يكون ده عيبك
دريباً كان منى ساقك هو نفس الدرب البجيبك
متل ماعاد لى حبيبي بعود لى ضرعك وجيبك
تعالى تعالى وانثري درر قوافي وشعر صافى يكون حليبك
يعاود روضك نضاروا ويزينو غناء عندليبك
قريب يا دار الحبايب معانا ينقز دليبك
يقلّب فى الدار صيدك عجيب يا داره قلّيبك
حسان الانس والجن بنات الحور اباهيبك
سماح الكون بيك يبدا وسماح وعقب ينتهيبك
عشان كدي يا نور عيوني صباحى مساي الاهيبك
مصيري خلود فى جنانك ما خد حقى انا في لهيبك
دموع عيني الهميله انا كفاى وكفاكن صبيبك
دحين ارتاحى من عذابك خلاص ولى زمن نحيبك
رموش افراحى الجميلة الله لا جاب ايام مغيبك
بحر عطفك فاض غمرنى على زادن مناسيبك
معاجيز وآيات جمالك تخلى الوراء يقتديبك
خدودك كرز معتق يحدثبوا حساء نديبك
وزارات صدرك تخوف قريبن تب مو قريبك
كسي الارداف بي ظلامن بحر واتهادى وضيبك
احبك وقادني لى حبك حياء ادبك وتهذيبك
احبك واعشق دلالك غرورك وحتى تعذيبك
احبك ويفرحنى صدقك بطرب لى اكاذيبك
احبك وغاية مناى اني اكون آخر مجاذيبك
احبك وكيف ما احبك حبى قدرك ونصيبك

_________________


عدل سابقا من قبل الامبراطور في الثلاثاء 29 يوليو 2008, 10:37 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ عبد الله محمد خير   الثلاثاء 29 يوليو 2008, 10:33 pm

زينة العمر
صديق احمد







مــــن الازاهـــــر انـــــدى يـــــا ضـــــوء الـقــمــر

يـــا الـمـنـو صـافــى واهــــدا يــــا زيــنــة الـعـمــر

لهواكى مابتعد واحفظ لى عهودك يا المحاسنـك عـده

عن حبى ما برتد لى ليلة الزفـاف بعمـل واعـد العـده

حبك عقيده ومبدأ ريدك لى طريق انـا منـو لازم ابـدا

بحسب جفاكى موده واترقب لقاك مهما تطـول المـده

اه من شذاك يا ورده واه انا من عيونا بالسلاح تتحدى

فى هوانا ايه الجد ليه قلبك نسانـا وجـار علينـا وصـد

عطفك على لابد هجرك لايطـول يـا الجاهلـه لا يمتـد

خايف الطريق ينسد خايـف للبنيتـو معاكـى يـوم يتهـد



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
most
مشرف المنتدى
مشرف المنتدى
avatar

عدد الرسائل : 43
العمر : 45
الاقامة الحالية : السودان الأمان والدفء
وصفك : انا سودانى انا انا
تاريخ التسجيل : 08/07/2008

مُساهمةموضوع: رد: الشاعر/ عبد الله محمد خير   الخميس 31 يوليو 2008, 1:13 pm

سحرتنى وأشجتنى تلك المنظومات شكرا ياإمبراطور على المشاركة المميزة Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر/ عبد الله محمد خير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: الاقسام العامة (المواضيع الثابتة) :: الشعر والشعراء-
انتقل الى: