منتدى مروي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
الشاعر/ الفاتح ابراهيم بشير I_icon_minitimeالسبت 03 مايو 2014, 9:45 pm من طرف ابوبكر الشمباتي

» هل كان حباً
الشاعر/ الفاتح ابراهيم بشير I_icon_minitimeالثلاثاء 22 أبريل 2014, 4:19 pm من طرف ابوبكر الشمباتي

» خاتم المني
الشاعر/ الفاتح ابراهيم بشير I_icon_minitimeالأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
الشاعر/ الفاتح ابراهيم بشير I_icon_minitimeالسبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
الشاعر/ الفاتح ابراهيم بشير I_icon_minitimeالسبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
الشاعر/ الفاتح ابراهيم بشير I_icon_minitimeالأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
الشاعر/ الفاتح ابراهيم بشير I_icon_minitimeالسبت 03 سبتمبر 2011, 9:15 am من طرف الامبراطور

» قوتنا في وحدتنا
الشاعر/ الفاتح ابراهيم بشير I_icon_minitimeالسبت 03 سبتمبر 2011, 9:14 am من طرف الامبراطور

» التفاؤل يصنع النجاح
الشاعر/ الفاتح ابراهيم بشير I_icon_minitimeالسبت 05 مارس 2011, 12:25 am من طرف ام محمد

» زوج مسوي فلم لزوجته....
الشاعر/ الفاتح ابراهيم بشير I_icon_minitimeالسبت 15 يناير 2011, 4:36 am من طرف ام محمد

» الانتحار هو الحل
الشاعر/ الفاتح ابراهيم بشير I_icon_minitimeالإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
الشاعر/ الفاتح ابراهيم بشير I_icon_minitimeالأربعاء 08 ديسمبر 2010, 2:54 am من طرف ام محمد

» الملك وزوجاته الـ4
الشاعر/ الفاتح ابراهيم بشير I_icon_minitimeالسبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
الشاعر/ الفاتح ابراهيم بشير I_icon_minitimeالجمعة 29 أكتوبر 2010, 6:33 pm من طرف الامبراطور

» درس في الادارة...
الشاعر/ الفاتح ابراهيم بشير I_icon_minitimeالجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

 

 الشاعر/ الفاتح ابراهيم بشير

اذهب الى الأسفل 
2 مشترك
كاتب الموضوعرسالة
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:42 am

عفواً



انا قلبى عشان ينساك دايرلو تانى زمن
عفوا حبيب قلبى ما انت لى وطن
***********
انا قلبى ذنبه شنو عودته انت عليك
علمته يبكى ينوح يوم ما يشوف عينيك
وكتين ملكته خلاص فريتها لجنحيك
خاطبته باستبداد قلت ليه اختار ليك
**********
هو الصبار المسكين راجى اليالى تروق
لا كل لا مل لا عاتب المعشوق
كل القدر قاله ياناس كتلنى الشوق
والضقته فى دنياى ما ضاقه قط مخلوق
********
انا يا خلائق اه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايته جفاف
والصابنى يالمريود بالعين محال ينشاف
*************
لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمنى شمال
جوايا عشرة اشياء خلت حياتى محال
حظى التعيس الشوم الغيرة والعزال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكت انا تتكلم الاطلال
وآخر المطاف بالليل سافرت باستعجال
لا طلت بلح الشام ولا ضقت راحة البال

*******
برضك تقول لى اصبر اتحمل المكتوب
واتعوض الله خلاص انسانى يالمحبوب
خلتنى ذى عصفور هبت عليه هبوب
فنتله عشه شمال شالت صغاره جنوب
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:43 am

قِبلة غناي



إحترتُّ كيفن أوصفك والله يا قِبلة غُناي
لو كان بحور الكون مداد بتجف قبل ما تنصفك

حاولت أكتب فيك وأقول وأوصف ملامحك بالشعر
لكن حروفي تذوب عديل قدام عيونك تنصهر
يا عايشة في دمي وغناي يا ديدن الروح والفكر
خلدت إسمك بي حروف قطرات دماي كانت حِبر
*******************************

يا غُنوة في وتري الحزين يا ضحكة في الزمن الصعب
يا واحة في عِز الهجير يا راحة من بعد التعب
يا نسمة هبت في الدغيش عزفت علي وتر العصب
يا رحمة من رب العباد مكبوبة فوق خلق الله كب
*******************************

سافرت في عينيك سنين زادي المعاي أبيات غُنا
مكتوبة بي دمي الصِبح شلال من الهم والعنا
صورت إحساسي الدفين بي قافية ليكِ معنونة
بتقول بلا كلفة ورتوش يا إنتِ يا الموت والفنى
*******************************

إحترت في وصفك أنا وحارت معاي كل الحروف
مرات بشوفك ضي أمل درّج خطاي رغم الظروف
مرات بشوفكِ جارية نيل أمواجو عانقت الجروف

والله يا قبلة غُناي.. إحترت كيفن أوصفك



الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:43 am

يانسمة مين غيرك
الفاتح ابراهيم بشير
ثنائي العامراب

يانسمه مين غيرك يكسر حواجز البين
يتحفني بي اخبار مريودي نور العين
طولته مستني يكتبلي لو سطرين
يحكيلي كيف حالو وان شاء الله هو زين
مفروض يكاتبني مهما اكون انا وين
حسب اتفاقنا الكان يوم كنا متفارقين
رسلته مكتوبين ما جاتني أي ردود
ان شاء الله مانعو هو خير لا يبقى صد وجحود
يا حليلي انا الممكون وصابر على ناري
وكل ما ادس حزني تفضحني اشعاري
وكل العلي والبي اسبابو من جاري
ويومي الاقصر انا ما بيقبل اعزاري
يا نسمه قوليلو الحال وراك مايل
والليل بلاك ليلين وديمه الدمع سايل
قوليلو يومك داك يومي البقيت راحل
ماقلت لي الرد ما تشيلو هم واصل
يا نسمه عارفاني مكتول ضناني الشوق
للبلد من جم صلحاب كري والسوق
عمرابنا والقوزين ليهن سلام مطبوق
خاصه المحطه تحت وقز ام شديرة الفوق
شوق البلد جواي يا نسمه ازاني عديل
خلاني ابكي وانوح كل ما اشوف النيل
اطرى الجروف والناس تنزل دموعي تسيل
يمارى لي منظر منقه و قرين ونخيل
يا نسمه شفتي البي وتابعتي بالتفصيل
ارجوكي سافري خلاص واوعك من التاجيل
برجاكي فوق نارين حزني وظلام الليل
وبصبر لي يوم يومين فيها الله بيه كفيل
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:44 am

رمية

التفاؤل



عليكم الله يا احباب اتلموا وابقوا قراب
خلونا النعيش أيامنا الموت ياداخلنا الباب
الدنيا العبوس غدارة زي راية الفكي الكضاب
تضحك لك تقول جيدلي تتكئ تغرس النشاب
الموت يا صحاب بالجملة اصبح ما بدورو اسباب
والعاقل يعيش ايامو ما دام من تراب لتراب
هسى ان ماتو مننا عشرة تلقاهم 8 شاب
والتاسع يكون وسطاني والعاشر يكون يا داب
اخدوا الحكمة من تربالنا اتوكل رمي التيراب
وعارف ربو من بينساهو والصابر دعاهو مجاب
علمني الزمن يا خلا درسا ما قريتلو كتاب
انو الدنيا مهما تبقى كلها في سؤال وجواب
اللقى يا رفاق من الله زيو كذلك الانجاب
والحظ ما بتجيبوا القوة والشقى ما بزيلو عزاب
والبكا ما بجيب الرايحة لو جرت الدموع صباب
والأفراح تدور يمشولا والحزان تجيك بالباب
الدايرة السعادة يكوسها وبينا وبين حزنا حجاب
أولا في زنين الضحكة قمتا في لقى الأحباب
يا اخونا التفاؤل نعمة ديمة يريح الأعصاب
والزول اليكون متشأم العصفور يشوفو غراب

الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:45 am

لاتــــنـدمــــــــــــــي

لاتدمي خيراً كتير مبعوث إليك ماكنت بيهو بتحلمي
إدفق العيش الكتير وأصبحتي فيو تخمخمي
خليتي حبات للرمال أرجوك لاتتألمي
رب العباد قاسم رزق تديهو من غير تعلمي
لاتندمي
عارف وراك أطفال صغار تعبانة فيهم تطعمي
تعبانة بالليل والنهار في لقمة لقمة تلملمي
نعم الظرف قاسية وصعيبة ومابدور تستسلمي
لكن بقولك أصبري وبكرة الصبر ياغالية منو بتنعمي
لاتندمي
زي ماوراك أطفال صغار تعبانة فيهم تطعمي
حتي الحمام عندو الصغارراجيك مرة تلقمي
مكتوبلو يأكل من إيديك تديهو منك تقسمي
كان بي رضاك أو غير رضاك في رزقو ماب تتحكمي
لاتندمي
دي حكمة من رب العباد سراً غميس ماب تفهمي
أجوك بس طاوعي الظروف ومن الزمان إتعلمي
وتأكدي إنو الرزق من الله ما من آدمـــــــــــي

الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:48 am

((( الــطــمـــبــور )))

الطمبور صديقنا وعزنا وملجانا
وكتين السنين تفتح بوابة أحزانا
مما قمنا نسمع فيهو لا ملينا لا ملانا
زي إبل الرحيل شايلي السٌقا وعطشانه
أوتارو الحنيني تملِّي عايشي معانا
في الريف والحضر ومحل ما تمشي خطانا
الله لو بشيشي تداعبو إيد فنانة
تتراقص جميع الدنيا بي أركانا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه
الطمبور سماحتو القمرة مالي سمانا
الليل والسكون والرملة كالمرجانه
نتلملم نكون في شلة زاهية الوانا
نضحك ننبسط لما الصباح يلقانا
وفي رواية اخرى معروف من قديم
انو الجمال نسبي وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان رب العباد ربي
خلا قدح حراز دبكر أصيل عربي
ومكسي جلد بقر يلصف تقول دهبي
فوقو تلات عصي واقفات بلا شعبي
وخمسه سلوك سونان موزوني بالنسبي
لو رنت تذوب ترقص جبال كجبي
والبركل يمور يتحول العقبي
ولو ما كت بخاف والناس تشيل كضبي
كنت بقول يرن تنحلا لوكربي
وأنداح الوئام بين الخلق يدبي
والبوسني الجريح يستأمن الصربي
وينشر الفرح من راجا لاوربي
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالأحد 06 يوليو 2008, 3:48 am

ســـــــــــــــــــــافر
كلمات/ الفاتح ابراهيم بشير غناء/ جعفر السقيد

عليك الله سافرعليك الله شيل الأمانى معاك
وشوف البيبكى عليك أو حتى يترجاك
أنا تعبتا خلاص من جورك انت على
تزعل بدون اسباب ومن تانى ترجع لى
خليك معاى واضح لا يبقى قولك نى
يا انت ابقى معاى يا انتى ماليك بى
رغم الحصل والكان ياما صبرتا عليك
كان العشم جواى تصدق معاى عينيك
لكن غرورك فاض كتل البراءة الفيك
خلاك تقول مجبور أنا بكره برجع ليك
اوعك تظن فى يوم أنا قلبى برض الذل
او يستكين هيمان ويرجاك عند الضل
انت الفتحت الباب وقت للخصام ادخل
وانت الزرعتا الشوك وقلعت شجر الفل
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فوق الكرامه وداس
مجبور اقول القول القالوا (بوفراس)
فى شعروا قالوا كلام مدهش جميل يسبى
لا تملك الحسناء مهما تكون قلبى
أنا برضى زيو كمان أعلنت لى حربى
وعايش قليبى بقول يا اخوانا آيه ذنبى
والله يا المريود خليتنى فيك محتار
مرات بشوفك نور مرات بحسك نار
مرسالى وكتين جاك قابلتو باستهتار
وما تنسي أى حريق دائماً بدايتو شرار
يا قلبى اصبر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك
الرجوع الى أعلى الصفحة اذهب الى الأسفل
ودابكر
مشرف المنتدى
مشرف المنتدى
ودابكر


عدد الرسائل : 48
العمر : 57
الاقامة الحالية : دولة الامارات العربية المتحدة
وصفك : ابوسياب
تاريخ التسجيل : 06/07/2008

الشاعر/ الفاتح ابراهيم بشير Empty
مُساهمةموضوع: رد: الشاعر/ الفاتح ابراهيم بشير   الشاعر/ الفاتح ابراهيم بشير I_icon_minitimeالخميس 10 يوليو 2008, 5:21 am

ياسلام علي شعراء الشايقية
وشعراء الاغنية الشايقية
ليس لاني من الشايقية او منحاز
لانها دي حقيقة مابيختلفوا عليها اثنين
( والا مش كدي يا قلم شاعرة )
وفي الخرطوم في محلات المرطبات
وايضا في الموصلات العامة تلقي
شريط الشايقي مفتوح وليه مستمعين
من كل اقاليم السودان .
الرجوع الى أعلى الصفحة اذهب الى الأسفل
 
الشاعر/ الفاتح ابراهيم بشير
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: الاقسام العامة (المواضيع الثابتة) :: الشعر والشعراء-
انتقل الى: