الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
السبت 03 مايو 2014, 9:45 pm من طرف ابوبكر الشمباتي

» هل كان حباً
الثلاثاء 22 أبريل 2014, 4:19 pm من طرف ابوبكر الشمباتي

» خاتم المني
الأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
السبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
السبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
الأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
السبت 03 سبتمبر 2011, 9:15 am من طرف الامبراطور

» قوتنا في وحدتنا
السبت 03 سبتمبر 2011, 9:14 am من طرف الامبراطور

» التفاؤل يصنع النجاح
السبت 05 مارس 2011, 12:25 am من طرف ام محمد

» زوج مسوي فلم لزوجته....
السبت 15 يناير 2011, 4:36 am من طرف ام محمد

» الانتحار هو الحل
الإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
الأربعاء 08 ديسمبر 2010, 2:54 am من طرف ام محمد

» الملك وزوجاته الـ4
السبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
الجمعة 29 أكتوبر 2010, 6:33 pm من طرف الامبراطور

» درس في الادارة...
الجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

شاطر | 
 

 الشاعر/ محمد الأمين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: الشاعر/ محمد الأمين   السبت 05 يوليو 2008, 9:48 pm

الغُنا المجـــــروح



يا مستنى جية الليل عشان تنضارى فى الأشواق
تفيض دمعات عيونك سيل يخونك ضلّك الرقراق
يقيف خاطر غُناك مشلول وقدُر طول الليالى فُراق

ولا بترجعبك الأيام سنين قضِّيتا فى ريدو
منو القبلك رِجا الأحلام وأخيراً جات على إيدو
براك تحصد رَجاك آلام على جمر الهوى الحرّاق

ولابيتذكرك محبوب زمان سكّنتو شوف العين
يروح ياخُد معاهو قليب موهّط فى دواخلو حنين
وقبُل نجمات هواك تغيب يغيب نور العمير الباق

خطاويك وصدى الذكرى ممده فى غُناك جروح
تامِّل فى شمس بكره ويسيبك سيد هواك يروح
فهَاك إتهنّى بالحسره وضوقا مرارة العُشّاق

وقول للخُطى السايقاك على درب الأمانى تقيف
شِن بيفيدك الساساق على بلد الحبيب ملهوف
وكِت فات الحبيب خلاك نزل دمع المحنه خـريف
تبكى على ليالى هـواك تغنى نزيف من الأعماق

سنين تحسب نجوم الشوق مبارى سما الحبيب الراح
تفتِّش لى شموسو شروق ولا بيغشاك منو صباح
أخيـــر أنفاس هواك تروق تجِمها فى حشاك ترتاح
ويجِف ضرع الغُنا المسيوق على وتر الحبيب أفراق


عدل سابقا من قبل الامبراطور في السبت 05 يوليو 2008, 9:56 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:49 pm

أغنية الحـــداد

وأنا مازلت فى ذاك الحنيـــن ....
أتـــرقب الآتين من تلك الديار
وأُ ردد الأشواق فـــى وضَــح النهار
آهِ لــــو تدريــــن مُــــر الإنتظار
ومــــرارة العشـــق الجنـــــــــون
الليل يـــرغبُ فـــى الـــرحيل
النجـــم مِـــسبحة العيـــــون
أحشائـــى والقلب العلـــيل
تشتاق مــن عينيكِ فجــراً لــن يكون
خبـــرينــى يا ملاكـــى
أفـــى مقلتيكِ هلاكــــى
أم هــى أقدار السنيـــــــــن
الله يعــلم منذ حيــــن .....
أنـــِّــى أُقاســــى
عيناك والـــزمــن اللعين
نبض أنفاســـى
يــــردِّد فى سكـــون
ويلاه يا تلك الأماســـى
لا تنامـــى ...
فاللَّيل محــرابُ العاشقين
هيا نصلِّـــى العــشق جهــراً
أو تناســــى ....
فأنا ... مازلت فــى ذاك الحنيـــن
أنتظـــر الخـــواطـــر كَــىْ تجــــــود
وأنت مُــذْ فارقت عينى لا تعــــود
قــــمـــر أمسياتك لــــن يبين
فاليوم أُغنية الحـــداد
واليوم حـــــزن العاشقيـــن
اليوم .... حـــــزن العاشقيـــــــــــــــن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:49 pm

دمــــع القــوافـــى
ـــــــــــــــــــــــــــ


وكِــت تدمع عليك العين
يقطِّــــر من دواخلى حنين
يفيض سيل الغناوى وأبوح
لأنّك فى غُـــناى الــــروح
فيا نَفَــــس القوافـــى سلام
منو الورَّاكَ منِّـــى تــروح
وليش خليتنى للأيام
وحيد ...
خاطــر غُناى مجــروح
بـــراى إتجـــرَّع الالام
أضوق طعم الفُـــراق المُــــر
وأفتِّــــش لى حنانـــك ويــــــن
منو البِقــدر ....
يرجع لى عويناتك
ليالى زمان ...
وتتذكًّـــــر
زمـــن شلناك فـــى الوجدان
سحابك بيهـــو إتفجَّـــــر
سما الألحان ...
سنين راجيك وتتأخَّــــر
سنين متوسِّــد الأحـــزان
ولا بهّـــــر ...
شعاع عينيك
لا بدّلتــــو بالنسيان
وحات ريداً سقينا حنان
بريدك كل يوم أكتــــر
وريدك فينى رغم الكان
موهّــط بين مسام الــــروح
ينـــزل فى غُـــناى مطــــر
يبل زهــــر اشتياقـــى وأنوح
فليش عينيك تتنكَّــــر
ليش ....
عينيك تتنكّـــــــــــــــــــر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:49 pm

على سفر


وأنا شان أجيك ....
قاطع عتامير الحياة العدمانى

من نُقطة أمل
تنزل تخدِّر حلمى بيك
جاييكى ... لاخوف لا وجل
تاور خُطا عشقى العليك
ماشيها متحدِّى المحل
بى حنّاً يقطِّر من عينيك
أنا يوم أصل .....
مديلى ايديك وكَفَى

دسينى فيك
عدينى باقى الأرصفة
قبال تطِل
ريح الأمانى الزائفة
تلفح عقاب عِشقى الفَضَلْ

ما بين رموشك والمُقَلْ
نتلاقى نتناسى الجراح
ونشيل هوايد الليل سَهَر
لافجر لاح .....
لا الشوق كِمِـــــــــــــــل

فى سِرِّى اقول .... يا ليلى طول
لسَّع فى كاس أحضانى راح
من خمر شوقك ما كِمِل
أسقينى واتناسى الصباح
حتى الصباح بالريد سِكِر

جاييكى والأيام رحيل
عشم المسافرين الوصول
لكين محطات القدر
تقلب موازين الفصول
وتهب رياحه بلا خبر
يا حلمنا الما ليك وصول
أدينى حـــــــــــــل ...
ضُلمة ليالىّ العجاف

يا ضَىْ فوانيس الصبُرْ
صادَر أغانىّ الجفاف
طوّل مجافينى المطر
لا شفت من تالاك ضِفاف
مدّ البَصَــــــــــــرْ
كل المواعيد انتظار
ذكرانا والأحلام صُغار
زمناً بعيد .....
أيام يتنِّى الانبهار

كاسات تلاقينا البِكِر
ضَيْعة الامال هدر
كل العُمُر
يدخل على لحظة شرود
ويلقانى لسّة على سفر
.............
يلقانى لسّه على سفـــــــــــــــــــــر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:50 pm

أحلام الرجعه


كلما الخطوة تباعد منك
تكبر فينا أحلام الرجعة
ونرجع تانى نفتِّش عنَّـك
ونَبْرَى خُطانا الحولك تسعى
نسقى غنانا مقاطع حِنَّك
ونملا بيك أيامك روعة
فاكره أظِنّك ......
ماضى هوانا سنين اللوعة
يوم ماكنا نقدِّس حُسنك
ولى عينيك نسابق الشوق
وبدون ما نوعى ..
يبقى النَفَس الطالع منك
لى أحلامنا كأنُّو شهيق
نحلم بيك وندارى الوجعة
ومن أحلامك نابَى نفيق
نَــدِّى أقدامنا احساس الشمعة
لو فى العتمة نلاقى طريق
نبدا عليك دريب الرجعة
وبين ايديك الدنيا تروق
يوم نلقاك تسيل الدمعة
ويصدح جوفنا الكان محروق
يا مسكون بى عشق عنيد
فينى غرامك وين حيحوق
وأنا فى دربك لسة وليد
دابو يتاتى فى أول ريد
وضى عينيك اللسَّة بعيد
فى الأحلام يبقالو شروق
فى
الاحلام
يبقالو
شِـــــــــــــروق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:51 pm

ياتو عيد ...


ياتو فرحه ؟؟ وياتو عيد ؟؟
تعـــزف على وتر القليب
ألحان ربابك من جديد
وترجع ملامحك يا الحبيب
تشرق على كل الـــدروب
زى غيم يبشِّــر بالمُنا ...
وينزل على خاطـــر الوجود
أبيات غُنا ...
يهــدى الخُطــى الراحت بعيد
تـــرجع هِنا ..
وزى ما نـــريد
يشرق صباحك بالهَــنا ...
يصدق خـــريف الأمنيات
وأنا يا حبيب
مشدود على وتر المغيب
راجيك تحِـــن
تعزفنى كمِّين أُغنيات
وأهديك نشيد
لو منى ضاراها السحاب
جواى شموسك ما بتغيب
أو حتى قسّاك الغياب
باكــــر تعود
ونغنى مقاطع الأشواق
ندسها فى بعضنا عِناق
لا منك يسوقنى فُـــراق
ولا بيتنكّــــر المــريود
وكت يعكر سما العشّاق
يفيض بحر المحنه يــزيد
كحِّل عيونك يا وطــن
بى فجر يشرق من جديد
ترحل غمامات الحــــزن
وتنبت على كفِّيك ورود
وانا جايى لو طال الـــزمن
جاييك أكـــــــــيد
أرجانى وإيّاك مِن تظِـــن
أنا فى بُعادك ضُقتَ عيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:51 pm

نون


سمِّيت عويناتك ... وطن
يا فاتحه باب الشوق عَلَىْ ...
مدينى فى خاطرك زمن
خلينى أحلم بيكِ صاح
يرحل يفارقنى الحزن
أنا وانتى يا عشقى الجميل
مكتوب علينا سفر طويل
الدنيا ليل ... والزاد قليل
وخطانا هدّاها الوهـــــــــــن
مين اللِقال ..
كِملَن قصايدك .. وانتهــــن
وحردن عصافير الصباح
وأنا لسّه شايفك بينى بين
نفس الغناوى واندياح
خاطر الشوق والحنين
مازلت عشمان فى الوصول ..
وأعرف تمام ..
لومنك اتقطع العشم ... يصبح على الدنيا السلام
وأبكيك براى ...
تشهَد على حزنى الفصول
حتى الخريف ..
كفكف دميعات السحاب
وأنا لسّه مستنيك جواى ... ومُصِر أقيف
مهما يطول بيك الغياب
بلقاك فى وهج الحروف
أو ... فى غناوى المُرهفين
بلقاك حنين ...
زى طفله جاريه من الجروف
تلحق مواعيد الصلاه ..
رغم الظروف
والحال كِده ..
مابدّلت بى دينا دين
يا حلوه من بين الالوف
جواى يوم صورتك تبين
مكتوبه بى أجمل حروف
وأقراك نون
وأقراكِ نــــــــــــــــــــــــــــون ..



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:52 pm

طعم الفراق



منقوش على كف القدر ...
مكتوب مسطر من زمانأمشى قبال الأوانوأسوق خطاى على عجلتانى وين ألقى الحنان ... وألقى العيون الكان بتدينى الأمان
يا حلوة ما أقسى السفر
تلقينى واقف فى الرصيف .... طعم الفراق فى حلقى مُرْ
يا غربة كيف ؟؟؟؟
يتحملك قلبى الرهيفواليوم يمُرْ .... يبقالى زى كمين شهرلكنى يا زولى الولوف ... جاييكَ لو فاضل عُمُرْ
زى الغمام .... وكتين يسيل بالشوق نزيف ...
ينزل مطًرْ
وشوق البحرْ .... وكتين يفيض لحظة خريف ...
يهدى السلام لى أحلى قيفوإن حصلْ ...
يا بنيه إتأخَر عليك
خلى بالِك منى فيكدسينى فى عمق المسامغطينى بى رشرش عينيكوليكِ من قلبى السلامأصلى راجع بكره ليك
مدى بالأشواق إديك .... وناولينى من كاس الغراموبين الصباح ... وشوق نجمه هداها السَهَرْ...
نتلاقى والليل إنحسَرْ
نتغطى بالأشواق وشاححتى القَمَرْ بالشوق سِكِرْ....
طالب من الليل السماحعند الفجر ....
يا داخلة فى البال إجتياح
من قيد هواكِ ولا مَفَرْ...
أهواكِ فى زمنى اللِراح .... وأهواكِ لى اخر العُمُرْ

وأهواكِ لى اخر العُمُرْ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:52 pm

أغنيـــــــــــــــــلك



أغنيلك .....
وأمد خاطر غناى عليك
لا اتيقنت من تالاك ولا بينضب حنينى اليك
وكان قصر غناى فى يوم
تمـــــدى أديك
وأشابيلك ...
منو الغناك
منو العلم غناهو يجيك
وكت كل القوافى تنوم
فياروعة غنا عينيك
زمن تتوهطى الالهام
ويا رعشة خواطر زول
وكت ندلق سماحة القول
على نيران دواخلنا
وما بنقدر هواك نطول
فساكت نتعب الأحلام
وكان طالتبنا الأيام
عشانك برضو نتغرب
ونتعذب
ونعد يا غالى نجم الليل
فيا مخلوقه من النيل
منو الأداك شدة حيل
عشان تنسابى فى الأعماق
وكلما الليالى تطول
نغالب شوقك الحراق
فلا بيشرق صباح عينيك
ولا بيعكر سما العشاق
وكان فاضتبنا الأشواق
نغنيلك ....
وأمد خاطر غناى عليك
فلا اتيقنت من تالاك
ولا بينضب حنينى الـيــــــــــــك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:53 pm

أدينى حل ....



واقف براى
....

يوماتى بين

ليل الشجن .... ونهار غُناى
راجيك تطِلْ
روَّحتى وين
والشوق جواى ... يربط شرايينى ويحِلْ
ومشِى السنين
توّه خُطاى ... أدِّينى حَلْ
الخطوه كاسيها الحنين
والشوق بدلْ
شوف العيون
ينساب أنين .... دمع المُقَلْ
حال البشابى على وطن
وجواهو ما اتزعزع يقين
إنك هناك ... مليانه حِــــــــنْ
عند المغيب ... راجاهو فاردى النيل حُضُنْ
يا بت كما همس الحبيب
وكتين يناجى سَمَعْ مُحِب
بى وجدو والشوق الدفين
أنا بى وراكِ خلاص تِعِبْ
نجينى من عيشة المُـــــــــدُنْ
ونيران بُعادِك فى قلِبْ
طوّل يلاهيبك زمــــــــــنْ
مشتاق يقابلك فى الخيال ... لو حتى ظَنْ
يسكن شراد أفكارى ليل
لامِن عَـلَىْ الليل يجِــــــــــنْ
ويلم شتات فكرى القبيل ... يا حلوه هداهو الوهــــــــنْ
يدينى حيل
وأجيك ملفح بى هواى
أغنى ليك .... يكمل غناى
وأتمو بى دمع العيون
يا بت جواى
نظرات عيونك تسوى كـــــــــــــــــون
يابت جواى ... نظرات عيونك تسوى كـــــــــــونْ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ محمد الأمين   السبت 05 يوليو 2008, 9:53 pm

غُنا المريود



حِـــنْ الخاطر الممدود ..... على نيران جفاكِ زمــــــــنْ
يمـــدلِك إيد
منو الغيرك بقالو وطـــــــنْ
منو القبلك سقانى الريد
فيا ضحكة عيون أطفال .... وكت مصبح عليهم عيد
ويا برق الغناوى الشال ...
ودفّق غُــــــنا المريود
ما كان إلتقيك محال ... ولا كونك تجينى بعيد
زمن نتزود الامال
على سفــر العيون البيد ...... نبِلْ شوق الفؤاد بالحِــــــنْ

كيفِـن تفوت ؟؟؟ وللليلى ما فتر الحنين
كيفن تفوت ...
ولسع فينى باقى من أغنيات ..... وعقاب شجَـــــنْ
شوق السنين ... ومُرْ إنتظارى على محطاتك زمــــــنْ
راجيك تبين
روحتى وين .... ياضىْ شموس الأمنيات
والبال مخدر بالوعود
لا ملت خطاى مشى الدروب
لا تهت ... لا صادنى الوهــــــــنْ

أسرع تعال ....
فالعمر زى لحظة شرود
وانا عمرى قضيتو احتمال .... إنك تعود
فارش دريبك بى غناى
وعشقك كما نيل الوطــــــــنْ
لحظة خريف ..... يوماتى سارح فى حشاى
عندك أقيف ...
ولامن أغنيلك تصِــــــــنْ
كل القوافى الأخريات
تظهر ملامحك من بعيد

وحِــنْ الخاطر الممدود ..... على نيران جفاك زمن
يمـــدلِك إيد
منو الغيرِك بقالو وطـــــــنْ
منو القبلِك سقانى الريد


drawGradient()



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر/ محمد الأمين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: الاقسام العامة (المواضيع الثابتة) :: الشعر والشعراء-
انتقل الى: