الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
السبت 03 مايو 2014, 9:45 pm من طرف ابوبكر الشمباتي

» هل كان حباً
الثلاثاء 22 أبريل 2014, 4:19 pm من طرف ابوبكر الشمباتي

» خاتم المني
الأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
السبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
السبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
الأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
السبت 03 سبتمبر 2011, 9:15 am من طرف الامبراطور

» قوتنا في وحدتنا
السبت 03 سبتمبر 2011, 9:14 am من طرف الامبراطور

» التفاؤل يصنع النجاح
السبت 05 مارس 2011, 12:25 am من طرف ام محمد

» زوج مسوي فلم لزوجته....
السبت 15 يناير 2011, 4:36 am من طرف ام محمد

» الانتحار هو الحل
الإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
الأربعاء 08 ديسمبر 2010, 2:54 am من طرف ام محمد

» الملك وزوجاته الـ4
السبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
الجمعة 29 أكتوبر 2010, 6:33 pm من طرف الامبراطور

» درس في الادارة...
الجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

شاطر | 
 

 الشاعر/ خالد الباشا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: الشاعر/ خالد الباشا   السبت 05 يوليو 2008, 9:37 pm

بالــمـــيــــلاد



الايام مالن ماهن فـى الآلآم داقالى اوتاد
الايام كاتفانى حزين وسوجرن الاشواق باصفاد
كندكن الأحلام بالحسرة ويبسن الوديان فى المسرى
ولو بتعدل الخطوة والعترة مااتراوحت وجيتك صاد



ماحبيت عينك بالصدفة ومالاقيتك دون ميعاد
اتلاقينا صباح الدنيا وشلتك منيه واتجنستك بالميلاد
اتحسستك حب بالفطرة وعشتك فكره وشلتك زاد
ومن شقيت طريق اشواقنا ولامن جيت من عندك صاد
ويوم ماجيت من عندك راجع كلى مواجع ونوح وسهاد
اتوكيتك حزن دامس بين خلجات القلب الراد
واتلفته عشان القاك فرحة زول بي زولو العاد



وانا ماشى مبارى دريب الرجعه محطة محطه لقـيته رماد
حتة كـنا وحـتة بنة وحتة كان الشوق وقاد
الاطفال احساس الوحده الآمال منشره سواد
لا لاقيت اطفال بيغـنوا لا اتـنيـن قاعدين يتمنوا
وادي الخير مرابوا جراد يا احلام الـقـلب الراد



واتذكرت ليالى الهجعة وخيال الشوق مشدودة شداد
غيبتك كان أسباب الوجعة وسفر الطيف فى العتمة جهاد
ياما مشيت فوق دربك اسعى طول الليل شقيتلي بلاد
كم كبيت فوق دربك دمعه واستنيت طيفك ماعاد
واه يازول اهديتو حياه اهديتو عـيون ومروه وزاد
اه يا زول اهـديتو بيوت اديتو خيوط شعري الوقاد
لـو فاضل فيك من ريدى رماد
اطرحلى وشيك انا داير اجيك ليه بابك ساد
ليه الأحزان ليه الآهات والدمعة حصاد


عدل سابقا من قبل الامبراطور في الخميس 10 يوليو 2008, 2:45 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:38 pm

جيتيني كيف !!!!!!؟؟



احلف يمين .. انك ولا متل البشر
وانك بشر ...
وانك حواس
تنزل علي قلبي اليباس ..
كشحة رزاز ونقط مطر ...

تاقيت عليك باب العيون
سديت ممرات النظر
فتشت كل الجاني شوق ..
مريت عليهو قدر قدر ..

جيتيني كيف !!!!!!؟؟

جيتيني كيف ؟.. ومافيا باب متكول قصادك وما اتكشر
وانا من زمان الليل طويل
قفلت أبواب الهوى وسلمت مفتاحا البحر ...!!!!!!!

جيتيني كيف ؟؟؟

جيتيني كيفن والعمر
عديت محطاتو وعبر
شقيت فيافي الأمنيات ..
هداني احساسي وفتر
ما كنت قايلو بجيبني ليك
درب المحبين (الوكر)
تفضح عيوني هوايا ليك
يمرق احاسيسي الوتر ...!!!

غيرك منو البملانا شوق
يقلب نسايم ليلنا حر !!

يدخل علينا متييين يريد
يمرق .. قليبنا يجرو جر

عذبني ريدك ما براي ..
اولاد بلدنا وناسنا صر

يانور عيونا وكت يتوه .. في الرملة والليل والقمر
يافيض مشاعرنا الطمح .. ماخلّ في عالمنا بر ..
زيك شويين مااا كتار .. في الدنيا انتي نفر .. نفر


عدل سابقا من قبل الامبراطور في الخميس 10 يوليو 2008, 2:52 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:42 pm

أمانة عليك





أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت


.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليك و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت


..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك
....
تخت بالك علي الجواك ... علي الحلم البنينا بيـــــــــــوت



عدل سابقا من قبل الامبراطور في الخميس 10 يوليو 2008, 2:56 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:42 pm


ايدي فوق ايديك



ايديّ فوق ايديك نبنيه اجمل بيت
تبقيلى فيهو ضراى وانا ابقى راس الخيط
منك اعرف الصاح بيناتنا يبقى صراح
لا نعرف الآلآم لا يو منقول يا ريت
ايدي فوق ايديك نبنيه طوف فوق طوف
بيت الأساس اخلاص بي ريد ووّد مسقوف
يصبح هواهو هواى نسماتوا احلى حروف
فيهو الأسره هيام شباكوا لينا ولوف
يطرد كلام الناس شبح الضياع والخوف
ايدي فوق ايديك نتقاود الأتنين
مانحن من سنتين قاومنا أقسى ظروف
صارت خطاى وخطاك فى نص طريق مرصوف
ماشين مع الأيام والزاد منى واحلام
قاصدين بلاد الريد وطريقه ما معروف
ايدي فوق ايديك نلحق قوافل الشوق
الراحله من جواى نبنيه اجمل بيت ترتاحى فيهو معاى
لامن نهايتى خلاص لامن أصل مسواى


عدل سابقا من قبل الامبراطور في الخميس 10 يوليو 2008, 3:00 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:43 pm

يوم والبلد..

يوم والبلد مندسي في جوف الليالي الدافي حن..
والريح تجيب حس البطان حجي ويصن ..
وأنا لا هويت ..لا بيكي للنار إتكويت

لا حتى فاكرك ذاتي أظن ....

نمت وحلم ..بالغيمة والبراق يشيل..
والنيم يميل ..والطير يوج .. والضوء يفج ..
في عتمة الليل الطويل

ومن تالا إحساسنا الجميل ملفوح حسيس طمبور يرن ..

زي ماتقولي كدي البلد شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت مليون شراع للريح فتح ..
وأنا وإنتي وسط الناس صغار سن الحمار ..
أمسك طريف عمري وأفن ..

يابت عيونك بالكلام ..مالياها كانت ضحكتك ..
]تجري وتجري هواي وراك لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان لا كنت حاسبك بت كمان ..
لا حتى عارف شنهن

وآآآ بختي والأيام سماح ..والليل سريع عقبو الصباح ...
في روعة البلد العصير وانا وإنتي لسه قدر قدير..
لا همي أيه باكر يكون ..لا عارفي إنتي شني الجراح !!!
نتجارى وينو شليل وراح ..نتدسه في كوم التبن ....

يا شافعي والناس في البلد والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى .. يايمه هاك شوفي البخت
وآآآآ بختك إنتي وكت بعد ختت بياضو شلن شلن ..


ياحليلي أنا الشلتك حنين طول المسافات مانسيت
لمتنا عن شق الصباح ونومتنا متقالدين نبيت
وين ياتميرتي الكت بفن أشواقي في خاطر السبيط ..
وتجدعلي شوقا ملان سلام باللهفة صر يملاني حن ..

والليل يطول..
تاريني في جوف المنامات ماهو صح ..
لا إنتي لسه الشافعي ديك لا قلبي عدمان الجرح
ظهرت ملامح الفرقة فيك وإتشوه الزمن السمح ..
وفتح عيوني قصاد صباح

تتباكا في ساعة شروقو الدنيا بالميلاد تئن


عدل سابقا من قبل الامبراطور في الخميس 10 يوليو 2008, 3:11 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:44 pm


بلاد الشوق



مشيت بعدك بلاد الشوق

غشيت في سكتي الأطلال
لقيتك لسة في الخاطر ..
وفي مرقة شمس باكر ..
ملان بيك طول حياتنا جمال
********************
رسومات روعتك تذكار ..

علي ابواب بيوت الحي محل تاوق .. لقيتك شوق ..
مشتت في الشوارع ضي اماسينا البتسهر بيك ..
نجيماتنا البتشهد لي وراك لاجفن الدمعات ..
ولا اتلاقن رموش عيني
اونس بيك نصايص الليل .. احجيك دندنة وموال
*************************
سألت عليك براي النيل ..

تميراتنا وعصيفير الهوى الصداح
لقيتك في عيون الناس ..
حنين ساكن القلوب مرتاح
بتطلع من حكاياتنا .. وخيالاتنا ..
بعيد شايفك رهاب رحراح
انادي عليك شموس تمرق من الواطه ..
قلوب بيضا .. شعاع وصباح
يبق نورك مع الفجاج .. علي النخل العزيز وطوال
***********************
اتاريك إنت كلنا بيك ..

بلاك نحن وبيوتنا شجن
تموت سيرة الفرح نبكيك ..
نتوه مانلقى لينا وطن
جناينا وضرانا الفوق ..
قمارينا وحسيس القوق ..
رحل كل البلد وياك ..

نزل جواك .. حنين وسكن
وأنا ( الكاتلني ) من يومداك ..
علي عينيك عيوني بكن
اقالد ذكرتك جواي ..
وأعيش باقي العمر رحال
**********************
سلامات وين نزل محياك ...

تحياتنا وأمانينا
اكيد باكر نجي ونلقاك ... قمر باهر أماسينا
تبل شوق القلوب ترتاح .. علي نمك غناوينا
لدايات شايك الرماي .. مزاجات قهوتك جواي ..
احاسيس فيني تتحكر ..

جمال نيلنا وعصارينا
نضاريك في العيون تظهر ..
بريق لهفة ودمع هطال


عدل سابقا من قبل الامبراطور في الخميس 10 يوليو 2008, 3:21 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:44 pm

عندك خبر



عندك خبر لليلي حبي انا مافتر

لاجف قلبي من النزيف لا اتهد حيلي من السفر



شايلك حسيس قلبي البدق إيقـاع حياتي علي وتر

يعزف مع الدم مشتهيك زي لهفة الصي للمطر

راجيك تبلي الشوق تجي في موسم الغنا والزهر

يخضر جفاف دنيانا ريد تطرد ضلمتنا القمر

عندك خبر لايوم أموت تبريني ياأجمل قدر



عندك خبر

قلبي البموت بي شوقو ليك يهوالى رغم المستحيل

يهواك طال مانبضو حي وطال مابيسقي أرضنا نيل

يهوالي زي ما العازة ريد مدلوق علي قلب الخليل

يهواك دروب من شوق وشوق مزروع علي طرف البحر

ومسنود علي أكتاف النخيل ماقلبي بشوقك بدأ يامنتهى العشق النبيل



أما الخبر

ياحلوة لاقدر الأسى للفرقة لاجور السنين

تكتف إرادة زول دفن إحساسو في قلبك حنين

مستني نور طيفك يصل ولهفة عويناتك تبين

احكيلا كيف الدنيا صيف وكيفن بلاك الكون حزين



وآخر خبر

ياحلوة لاتبكي المصير وقدر الموالفين الفراق

وقدر المتلنا مشي الهجير وسفر الأماني طويل وشاق

يسعدني إنك بت هواي تبينا من شفع دقاق

مغروسة في جوايا ريد ومحفورة ساساتك غـراق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:45 pm

كانت حياة



لمن غمض جفني البعيش واقعي وحلم إنك معاى
المطرة ماهو زمن خريف
اجسادنا عدماني الهدم
نجري ونلم ورق الشجر
نبنيبو عش لينا ويلم
وكانت حياة
وكانت كدا الأيام خريف
وعين ماتشوف إلا المكان
أخضر جميل يرسم
ملامح للفرح

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:46 pm

بحر الشعاع



الدنيا صح فراقه لكن القلوب يا الدنيا مداكي الامان
وعـشم المسافرين الرجوع ولو ماكدي
ماكان في زول فات المكان
وانا لي حـبيب يــــوم دار يـسـيـب قال لي
قـريب برجع عشان نبني البيوت
نرسم خطوط الضو علي طول الـمكان



يا الله وين خاتم الـمنى
في رمشة العـيـن الأبـت بالـشـوق تـنـوم القاك هـنا
ارقــد عـلـي حضـنـك انــوم تمـلانـي ريــد املاك غـنا
مـا انتـي يــا بـحـر الشـعـاع الشمـسـو غـابـت مــن سنه
لـسـع بيغـسـل قلـبـي نـــور يشـرقـنـي يـــا ضـــي الـهـنـا
يـــا الـقـمـره ويـــن السـنـسـنـه لا حــتــي فــــي طــــرق
الــشـــعـــاع الــــمــــن زمـــــــــان فــــوقـــــك بــــنـــــا
هي اقـلـبي الصـفحه الـعـلي الـسـماء مـن هــناك مادام هنا


زولي البدي الدنيـا نـور ضلـم رحيلـوا الامكنـه



تراهو زي ما الطيف يمر الليل يمر اليوم يمر والعام يمر
وانـا فـي الـدريـب الفـتـا بيـهـو ألــم اتــر قـدمـك واصــر
ارجـي المسافريـن وانشـدن هـوي فـي المـدن مـا شفـتـوا
زول شـــــــايـــــــل بــــشـــــاشـــــات الــــفـــــجـــــر ؟
مـزج الصباحـات بالمغيـب لــون خــدودوا مــن العـصـر
وآه يـا بـيـوت لا دقــه بــاب لا فــات حيطـنـا العنكـبـوت



وانا لسه راقد في الرصيف


راجيك تقيف قدامي قبال ما اموت
دنيا من بعدك يباس ينشرا فــي الـوديـان سكوت
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الامبراطور
عضو فعال
عضو فعال
avatar

عدد الرسائل : 265
العمر : 46
الاقامة الحالية : Dubai
وصفك : صديق الكل
تاريخ التسجيل : 17/06/2008

مُساهمةموضوع: رد: الشاعر/ خالد الباشا   السبت 05 يوليو 2008, 9:46 pm

لا تزعلي



لاتزعلي .. لا تبكي لا.. لاتحزني .. لا ترثي مركبنا الغرق

قـدر العشـق انـا وإنتـي نتلمـة ونوالـف ونتفـرق

لا إنتي .. لا أنا ..للقلوب الشايلـة حبنـا بـي صـدق

تقدر تبل زرع السنين بي فيـض دموعنـا بعـد حـرق



غـيـر نـسـأل الله يسـهـل القـاسـي وتـهــون

يدينـا فـي باقـي العمـر صبـرا نجففـبـو العـيـون

دي القسمة والقـدر الوقـع .. والدايـره اقدارنـا بيكـون

بس نحن ناس طيبين خلاص ..أحسنا في الدنيا الظنـون



سامحيني كان سقتك معاي .. في سكة في مشـوار ضيـاع

ومليت حياتك بالمنى .. وأحلام مسافـرة بـلا شـراع

وعميت عيونـك بالغنـا .. وكيـف مـرن الأيـام سـراع

ما قايلك اسـه بتكتبـي .. مجبـورة بـي قلمـي الـوداع



لكن خـلاص ..قبـل الـوداع وتفوتـي والأيـام تفـوت

خليـك قـدر البينـا كـان .. لاتفكـي روسيـن الخيـوت

لا تخلـي قلبـك للسنيـن .. لايبنـي فوقـو العنكـبـوت

أمليهو بي عشم الله خيـر .. لاتنسـي إحساسـك يمـوت



وانا أصلي مابنساكي يـوم .. مهمـا يطـول بينـا العمـر

وعارفك كمان شايلاني شـوق .. وغـرام مقلـد بالصبـر

وذكرى وحنيـن لـي ماضـي راح وأيـام تغفلنـا وتمـر

وعـارفـانـي مـابـقـدر بـــلاك إلا الـجـبـر

لكن معاك أخـوك أخـوك لامـن يضـم جسـدي القبـر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر/ خالد الباشا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: الاقسام العامة (المواضيع الثابتة) :: الشعر والشعراء-
انتقل الى: