منتدى مروي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
ضع اعلانك هنا
TvQuran

Google

Yahoo!

HotMail
المواضيع الأخيرة
» مروى كيف الوصول
الشاعر /السر عثمان الطيب I_icon_minitimeالسبت 03 مايو 2014, 9:45 pm من طرف ابوبكر الشمباتي

» هل كان حباً
الشاعر /السر عثمان الطيب I_icon_minitimeالثلاثاء 22 أبريل 2014, 4:19 pm من طرف ابوبكر الشمباتي

» خاتم المني
الشاعر /السر عثمان الطيب I_icon_minitimeالأربعاء 29 يناير 2014, 8:53 pm من طرف الامل الراحل

» راكوبة المقيل لمحجوب عبدالله السيد
الشاعر /السر عثمان الطيب I_icon_minitimeالسبت 05 أكتوبر 2013, 5:11 pm من طرف محجوب عبدالله السيد

» وينو الترحيب ؟
الشاعر /السر عثمان الطيب I_icon_minitimeالسبت 05 أكتوبر 2013, 4:54 pm من طرف محجوب عبدالله السيد

» تعذية لكل أبناء مروي
الشاعر /السر عثمان الطيب I_icon_minitimeالأحد 12 فبراير 2012, 4:47 pm من طرف عماد الدين علي فتح الرجمن

» كل عام وانتم بخير
الشاعر /السر عثمان الطيب I_icon_minitimeالسبت 03 سبتمبر 2011, 9:15 am من طرف الامبراطور

» قوتنا في وحدتنا
الشاعر /السر عثمان الطيب I_icon_minitimeالسبت 03 سبتمبر 2011, 9:14 am من طرف الامبراطور

» التفاؤل يصنع النجاح
الشاعر /السر عثمان الطيب I_icon_minitimeالسبت 05 مارس 2011, 12:25 am من طرف ام محمد

» زوج مسوي فلم لزوجته....
الشاعر /السر عثمان الطيب I_icon_minitimeالسبت 15 يناير 2011, 4:36 am من طرف ام محمد

» الانتحار هو الحل
الشاعر /السر عثمان الطيب I_icon_minitimeالإثنين 20 ديسمبر 2010, 4:03 am من طرف ام محمد

» الخرطوم: دورتين بدورة، تدريب المدرب وممارس تعلم سريع
الشاعر /السر عثمان الطيب I_icon_minitimeالأربعاء 08 ديسمبر 2010, 2:54 am من طرف ام محمد

» الملك وزوجاته الـ4
الشاعر /السر عثمان الطيب I_icon_minitimeالسبت 30 أكتوبر 2010, 3:40 am من طرف ام محمد

» اذا احبك الله سبحانه و تعالى...
الشاعر /السر عثمان الطيب I_icon_minitimeالجمعة 29 أكتوبر 2010, 6:33 pm من طرف الامبراطور

» درس في الادارة...
الشاعر /السر عثمان الطيب I_icon_minitimeالجمعة 29 أكتوبر 2010, 6:29 am من طرف الامبراطور

بحـث
 
 

نتائج البحث
 
Rechercher بحث متقدم
منتدى

 

 الشاعر /السر عثمان الطيب

اذهب الى الأسفل 
2 مشترك
كاتب الموضوعرسالة
قلم شاعرة
عضو نشط
عضو نشط
قلم شاعرة


عدد الرسائل : 56
العمر : 42
الاقامة الحالية : داخل الوطن العربي
وصفك : ...احب كتابة الشعر
تاريخ التسجيل : 05/07/2008

الشاعر /السر عثمان الطيب Empty
مُساهمةموضوع: الشاعر /السر عثمان الطيب   الشاعر /السر عثمان الطيب I_icon_minitimeالأربعاء 09 يوليو 2008, 3:26 pm


أستحلفك بالريد



أستحلفك بالريد



الشاعر /السر عثمان الطيب 7_curالشاعر /السر عثمان الطيب 7_cul
أستــــحلفك بالـــريد أوعـــــــــك تفـــارقنى
لاتســـبينى فى الاحــــزان أبحر تغــــرقنى
ياروحـى مشغول بال مــحتار أنا ومـــحتار
مابهـون فــــراقك يوم ألــــم الفراق تـــاوار
يا المستحيل بعدك يا الحار فــــراقك حـــار
قــــلبى الحنين أصبح مـــوطن هـواكا ودار
دنيايا غير عــينيك ليل مســـــدل الاستــــار
فيهو القى روحى بلاك مسجونة دون أسوار
انت المعـــاى أنغـــــام داؤود بلا مزمــــــار
تسكر حنايا الروح من كأس ندى الازهــــار
أستـــــحلفك بالفيــك والفى مــــــوقد نـــــار
بى صرخة فى الاعماق دار تفضح الاسرار
بى دم دمــــوع عينى بى دمــــــعك المدرار
يـــــرويك ويــــروينى ويتخنق غنا الأوتار
بـــــالالفة حــــلفتك بالخوة حــــق الجــــار
أوعـك تسيبنى تفـــوت تـــرمينى للأقـــدار
خـــايف عليك وعلى من جـــور زمن غدار
خـــايف من الايـــــام ودولابــــن الـــــدوار
لالا لا ترحــل كــــوس للقعــــاد أعــــــذار
دابن خطاى وخطاك فى الريد بدوا المشوار
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر /السر عثمان الطيب Empty
مُساهمةموضوع: رد: الشاعر /السر عثمان الطيب   الشاعر /السر عثمان الطيب I_icon_minitimeالسبت 12 يوليو 2008, 3:32 am

تراب بلدي

كلمات الشاعر الرائع : السر عثمان الطيب
غناء الفنان : محد كرم الله
غناء الفنان عثمان اليمني

انا ومغستي رحل تلوت الليل شقاوتي رحل تلوت الليل
مسالكي ضلمه ما بتنشق سكت روح نويرة الفرقة
جوة الجوف تسوي البق
مشيت لا زاد أشيلو معاي ولا زولاً معا اترفق
ولما خلاص بقيت مارق نجيم الليل مشي إتفرق
بكيت وبكيت طريف العين متمسح بالدموع رقرق
عشان مظلوم زماني الليلي شتت للشمل فرق
بسوي الووب نحاس احزاني جوه قليبي ينقر دق
يوهدبي يلوعني واخاف من المصير واشفق
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يطير يندق واطير واندق
وادنقر فوق تراب بلدي أخم بي إيدي في رحلي
اقول يا ليل وافارق الدار اجر فوق الوداع مسدار
أنوني أنوني شاق الواح محال ارتاح
ادخل إيدي في رحلي تراباً فيهو تسوى الكون
تراب بلدي
اشيل منو اشم وارتاح اشم طيبة اهلي
منو تفوح ترد الروح عويناتن تلوح وتلوح
عراريقن طواقيهن طواريهن سواقيهن
انين الساقي لما تنوح حسيس البربخ المفتوح
واعاين يا تراب بلدي اشوف فيك صورة ماب تنشاف
واشم ريحة الكُليت والشاف بنات بلدي بنات بلدي
طريحاتن مناديلن رقيصاتن شبابيلن
حليلي حليلي يحليلن
واشيل من زادي واتكرف
واشوف فيك يا تراب بلدي الحنين المابي يتوصف
سماح ناساً حلاة ناساً بلا السكر
طعم قراصه في قدحاً من الدبكر
كواريك شفع المغرب يقلبوا في الجمر قنقر
ولاد بلدي نقاقيرن طنابيرن جبابيدن سنانيرن
وافوت يا ناسي في دربي أقول يا أهلى واغلبي
خلاص ريدكن ملك قلبي منو الغيركن بشيل حبي
تراب بلدي بنات بلدي ولاد بلدي
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر /السر عثمان الطيب Empty
مُساهمةموضوع: رد: الشاعر /السر عثمان الطيب   الشاعر /السر عثمان الطيب I_icon_minitimeالسبت 12 يوليو 2008, 3:34 am

المشْتَهِـِنَّك

يا المشتهِنَّك وفي غيابـك بالنا بيك ضُمَّة انشغــل
النوم وراك يبقالنا شر .. فارق عيونَّـا ، خلاص رحل
**
ضايقين متين ترجع تعود .. نسأل ، متين قطرك يصل
حارسين شويفعنا البجيب لينا البشارة يجيب أمــل
يجري ويناهد من بعيد .. شايِلُّو شنطة ، وبي عَجَـل
يفرح يقول .. خلّيتو جايي وراي يسـالم في الأهـل
**
والساعة ديك عاد البلد تنجارا قاصداك يا السَّمِـح
الناس توسوس لي بعض .. يي داك وصل .. واللهِ صِحْ
حتى اللِّي كان محزون وباكي الليلة عاد هشَّ وفِـرِح
في يوم رجوعك يا حِبَيِّب روحنــا تب يبـرا الجَّرِح
**
الساقي بعد العنكبوت الفوق حِطيبا خلاص بنــى
بعد الكآبة ومسحـة الحـزن العليها مهيـمـنـة
مرقت تلاقيك زي عروس متعطِّرة ومتزيِّنــــة
**
جدولــنا من بعد اليباس الكان موجِّع تقْـنَـتُـو
بعد السنيــن العاشــا في بُعدك بيكتـم أنَّتـو
بعد العذاب الفي غيابـــك كان يزيــد لي محنتو
بلقاك فِرِح .. جاك زي عريس يادوب جديد بي حِنَّتو
**
القمري من بعد الألم والحسرة والنـوح والجــراح
بعد الدموع السايلة دايماً وعمرو في كفكيفــا راح
في يوم رجوعك جفنو من بعد السهـر دابو استـراح
فوق السبيط زوزا ورقص .. طربان يزغـرد للصباح
رسَّل غنيواتاً حُنان .. في روعة صفَّق بالجنــــاح
**
أوتار طنابيرنا الأبت يا حِــبِّـي في غيبتــك ترن
حلفت محال ما تجيب نغم .. يفرِح قلوبنا ويســعِدِن
عادت هي متل ايام زمان تشرح نفوسنا وتبهِجِــن
الرجوع الى أعلى الصفحة اذهب الى الأسفل
الامبراطور
عضو فعال
عضو فعال
الامبراطور


عدد الرسائل : 265
العمر : 52
الاقامة الحالية : Dubai
وصفك : صديق الكل
تاريخ التسجيل : 17/06/2008

الشاعر /السر عثمان الطيب Empty
مُساهمةموضوع: رد: الشاعر /السر عثمان الطيب   الشاعر /السر عثمان الطيب I_icon_minitimeالسبت 12 يوليو 2008, 3:35 am


بلا خبر .. طق الخبر


..مالي البلد ..قالو ا العريس قام بالاحد

الحلي جاطت والحريم يتهامسن ..جاي الولد...

كوم من بنات للبير ورد..يتحدثن..جاي الولد

و بختها..واشوقنا نحنا..الفينا جمر الشوق وقد

كل الحديث الليلي فوق بت البلد .......

لامن خلاص

الليل دخل..وآخر شعاع من الشمس روّح نزل

ضوء القميرة جاء من بعيد... بهّر قدل

دافر ظلام الحلي قدامو ووصل

ناس البلد ..النام رقد ..والماسك السبحه...وعبد

مشغول هو بي خبر العريس ..القالوا قام يوم الاحد

هناك بعيد بي

غادي ..في آخر الديار

راكوبة ضلها أحر من حر النهار

كوم من بروش... وجريد تمر.. عيدان صغار

ودلوق هدوم موروثة ..من زمن الكبار

وثلاث عناقريبا صغار..كرّابا..متقطّع نزل

والنوم من البفوقا روّح تب جفل

راقد هناك كوم من ضياع..مركب مسافري...بلا شراع

أحلام مسافري بلا وداع..ودموع ضياع تتجارى من غير انقطاع

احرف أنين ..ما خطتن ايد بي يراع

ليلا نجومو يودعنو خلاس مسافرات ..هن سراع

لي بت البلد عبراتا سدّت ..في الحلق

تبكي وتنوح ..تشرب دموعا وتنشرق

لمّان حسيس نقاره ..جاها من الشرق

قامت مع الليل صنقرت

وبكت بكت ..شالت طريحتها

للدميعات ..كفكفت

فجأة السنين ..الفاتو ..جن

وأيام زمان اتلملمن.

اتذكرت....

كانت تقوم فجرا صباح

لمّن يقوموا أهل الصلاح

ابوها شايل السبحه..صاح...

يا شافعه..سوّي الشاي سريع..شدّي ..الملاح

شيلي المناجل ..وامشي قدامي...الجرف

اتذكرت ..كانت تسبقو وتمشي تنزل بي تحت

تمسك سبيطة التمرة

بايدها ..وتحت تقعد تحش الوبي للكاويق تقش

تصل البحر ..والموج يداعبا فوق هدوما ..ينط يرش


بعدين... تشيل القش تفوت ..واليوم يفوت..

وتفوت سنين وتمر سنين

يكبر عمير بت البلد ..

ويكبرمعاهو كمان حنين

في يوم صباح وصباح هناء

واحة عبير نغمة غناء

ريحة.. لبيني مقننه

مر الجنا ...وسلّم علي بت البلد

ذي عادتو سلّم... وابتعد

تابعاهو ..عين بت البلد

بت البلد ..سمعت ضريبات القلب

.. يا الله ...مالو ده ها القلب

بعد الثبات كيفن خرب

بت البلد ..عرفت...تحب

اليوما داك بت البلد ما جاها نوم

ما دام خيال ود البلد يمشي...ويحوم

بين الخيال ..شافت وجيهو الهاش وباش

شافت عيونو الفيها فيض احلاما عام

شافت سحاب الريده فوق واديها لان

بت البلد.. تاهت مع الشوق

اللي ما عاد يننكتم

والصورة هادي الفي القليب بتترسم

واسمو العلي نونات خديدها..صبح وسم

تاهت مشت سايقاها دقات الدليب

لدار حبيبا ..ومني ..القليب

لقعدة عصراوية ..فوق العنقريب

للونسي والخاطر يطيب

لمسكة في ايد..الحبيب

الوقفة قدام الجنات

القرمصيص ..وغنا البنات

يا الله ..وين تلقى...الثبات

والصفقة من تالا الولاد

ماب تسمعها ..جاياها ..من آخر..بلاد

بت البلد ..اتذكرت كيف حاج محمد ..والدها

حالف يمين..ود البلد ما..يآخدا


اتذكرت كيف حاج محمد...والدها

قال ليها ما عندك ادب

تعبان سنين فوقك تعب

وادّيك لزولا..كعب

تربال ..وعيشتو عدم عدم

لا قارئ لا ماسك قلم

تاخديهو تندمي صح ندم

يشقيك ..يوريك الالم


اتذكرت كيف حاج محمد...والدها

وصف العريس ..الجاي بقطر الاحد

كتّر محاسنو وعددها...

راجل موظف عندو..مال

يأويك في بيت الحلال

تبقيلو كيف ام العيال

..اتذكرت

لمان ابت قول حاج محمد والدها

كيف نهّرها ..وحالف يمين ..بيودرها

لو ما رضت

يالجاي ..بقطر الاحد

اتذكرت كيف الحبيب ود البلد

في الغربة روح..وابتعد

وبكت بكت بت البلد ..

لما الخبر ذاع في البلد انو العريس قام بي الاحد

الحلي جاطت والحريم يتهامسن جاي الولد

كوم من بنات للبير ورد..يتحدثن..جاي الولد

و بختها..واشوقنا نحنا..الفينا جمر الشوق وقد

لاكنهن ماعرفن الشوق كيف وقد

ماعرفن انو الشوق تما وليه حد

موللعريس للحبيب ودالبلد

الراح في زحمت ضياع وهو ماتوجد

يا حليلك انتي يا بت البلد

ويا حليلك انتي يابت البلد

الرجوع الى أعلى الصفحة اذهب الى الأسفل
 
الشاعر /السر عثمان الطيب
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى مروي :: الاقسام العامة (المواضيع الثابتة) :: الشعر والشعراء-
انتقل الى: